Acelerar o despregamento das renovables na UE para reforzar a soberanía enerxética do continente e combater o cambio climático reducindo o consumo de fósiles. Iso persegue a Comisión Europea, unha estratexia que cobra especial significado en territorios como Galicia, onde a dependencia enerxética do exterior aínda roza niveis do 70 %.
Apoian os galegos este obxectivo? Si o fan, e masivamente, a teor dun recente macroestudo demoscópico. Segundo este, tres de cada catro persoas na comunidade autónoma móstranse favorables a impulsar máis a eólica e outras tecnoloxías verdes para deixar de producir electricidade con fontes contaminantes. Por provincias, Ourense concentra o maior apoio (80,6 %), e Pontevedra, o menor (72,2 %).
Así mesmo, máis de dous terzos da poboación avala un dos principios fundacionais de Recursos de Galicia: converter a nosa riqueza natural en riqueza social, devolver ao territorio -por exemplo, con rebaixas substanciais no recibo da luz- boa parte do beneficio derivado da posta en valor sostible do vento, da auga, do sol… No polo oposto, un 20 % dos entrevistados rexeitan a construción de máis parques renovables.
Estes datos figuran nunha enquisa elaborada polo instituto Sondaxe para La Voz de Galicia. Nesta ligazón podes ler a información publicada respecto diso polo xornal: https://acortar.link/KQNet8.
